Thursday, April 12, 2012

Dekh Lo Khuwab Magar Khuwab Ka Charcha Na Karo

Dekh Lo Khuwab Magar Khuwab Ka Charcha Na Karo
Log Jal Jaayenge Suraj Ki Tamanna Na Karo

Waqt Ka Kiya Hai Kisi Pal Bhi Badal Sakta Hai
Ho Sakay Tum Say Tou, Tum Mujh Pay Bharosa Na Karo

Kirchiyaan Tootay Howay Aks Ki Chubh Jaayein Gi
Aur Kuch Roz Abhi Aaina Dekha Na Karoo

Ajnabi Lagnay Lagay Khud Tumhein Apna Hi Wajood
Apnay Din Raat Ko Itna Bhi Akela Na Karoo

Khuwaab Bachchoon Kay Khilounoon Ki Tarha Hotay Hain
Khuwaab Dekha Na Karoo Khuwaab Dekhaya Na Karoo

Be-Khayali Main Kabhi Ungliyaan Jal Jaayein Gi
Raakh Guzray Howay Lamhoon Ki Kurayda Na Karoo

Mom Kay Rishtay Hain Garmi Say Pighal Jaayen Gay
Dhoop Kay Sheher Main Ye Tamasha Na Karo

0 comments:

Post a Comment

Related Posts Plugin for WordPress, Blogger...
 
Twitter Bird Gadget